Back محاكمة قادة استقلال كاتالونيا Arabic Judici al procés independentista català Catalan Achos llys arweinwyr Llywodraeth Catalwnia, 2019 Welsh Strafverfahren infolge der Katalonien-Krise seit 2017 German Trial of Catalonia independence leaders English Juicio a los líderes del proceso independentista catalán Spanish محاکمه رهبران استقلالطلب کاتالونیا Persian Procès des indépendantistes catalans French משפטם של מנהיגי קטלוניה HE Processo agli indipendentisti catalani Italian
Kataluniako prozesu subiranistaren kontrako auzia, legez 20907/2017 Auzi Berezia, Espainiako Auzitegi Gorenean egindako epaiketa izan zen, Kataluniako Generalitateko buruzagien kontrakoa. Pablo Llarena epaileak koordinatu zuen instrukzioa 2017ko urritik 2018ko uztailera eta, ondorioz, 18 pertsona izan ziren auzipetuak, tartean zirela Carles Puigdemonten gobernuko kide ia guztiak, Jordi Sànchez eta Jordi Cuixart kultura eta politikako aktibistak, Carme Forcadell Kataluniako Parlamentuko buru ohia, eta bertako hainbat kide.
2019ko urriaren 14an, epaiak plazaratu ziren, eta auzipetuetatik 13 izan ziren kondenatuak, Katalunian, oro har, eta giro subiranistetan, gogortzat hartutako sententzia. Auzia larritasun politiko goreneko aferatzat hartu zen, oihartzun politiko handiagatik. Generalitateko buruzagien kontrako epaiak aldarri bihurtu ziren auzipetuei babesa adierazteko eta subiranotasunaren eta demokraziaren alde Katalunian, baita Euskal Herrian eta beste zenbait tokitan ere. Epaiek mobilizazio oso jendetsuak harrotu zituzten zazpi egunez Katalunian, Espainiako politika osoa ataka batean jarriz.